Nga tragjedia e ndodhur në Itali, ku u rrëzua teleferiku dhe la pas 14 viktima, i vetmi që i mbijetoi ishte një djalë i mitur. Eitan Biran, është marrë nga gjyshi nga ana e mamasë dhe aktualisht ndodhet në Izrael. Në lidhje me këtë rast, Prokurorët kanë nisur një hetim pasi familjarët nga ana e babait, që kanë dhe kujdestarinë e tyre, pretendojnë që fëmija është dërguar në Izrael pa miratimin e tyre.
Eitan, prindërit e të cilit ishin shtetas izraelitë banues në Itali, kishte jetuar me tezen e tij në Pavia para rrëmbimit të tij. Gali Peleg, tezja e nënës së Eitan në Tel Aviv, muajin e kaluar filloi një proces birësimi, me avokatin e saj duke pretenduar se fëmija po mbahej peng.
Ajo deklaroi për radio Izraelit 103FM , “Ne nuk e rrëmbyem Eitanin dhe nuk do ta përdorim atë fjalë. Ne e kthyem Eitanin në shtëpi. Na u desh ta bënim pasi nuk morëm asnjë informacion mbi shëndetin ose gjendjen e tij mendore. Nëse gjyqtari nuk do të kishte caktuar takime me fëmijën, ne nuk do ta kishim parë atë. “
Sipas raporteve në shtypin italian, Peleg e nxori fëmijën të shtunën në mëngjes, por nuk e solli atë në shtëpi deri në orën 18:30 siç ishte rënë dakord. Burimet diplomatike më vonë konfirmuan mbërritjen e tyre në Izrael.
Armando Simbari, avokati përfaqësues i tezes së të miturit, në lidhje me këtë çështje tha se lajmet janë shqetësuese për të gjithë dhe krijojnë shumë shqetësime. Sipas tij, Eitan u rrëmbye nga familja me të cilën u rrit dhe nga mjekët që ende trajtonin traumat e tij.
Pasi u ngrit alarmi për zhdukjen e tij, policia italiane zbuloi se Eitan ishte larguar nga Italia në bordin e një avioni privat me gjyshin e tij, i cili posedonte pasaportën izraelite të të miturit. Burimet diplomatike më vonë konfirmuan edhe mbërritjen e tyre në Izrael.
