Gazetari Enver Robelli nxjerr bllof lajmin manipulativ të Met Veliut për Ballkanin e hapur
Por me gjithë këto manipulime Rama e ka quajtur të pamjaftueshme propagandën lidhur me Ballkanin e Hapur pas krisjes që ajo mori ditët e fundit. Dhe ai ka kryer një akt të paprecedent. E ka shndërruar fjalimin për programin e qeverisë një një avokati për nismën e iniciuar në Nish (Ne videon poshte pas minutes 59 00). Nga një orë që zgjati fjalimi i kryeministrit, plot çerekun e zuri kjo temë. Dhe më e bukra, pjesën më të madhe të këtyre minutave i zunë sharjat, ofendimet dhe ironitë për kritikët dhe kundërshtarët e projektit paralel me procesin e Berlinit. Kurrë më parë, as në Shqipëri, as në vendet demokratike perendimore nuk njihet një praktikë që në një program qeverie të zënë vend anatemimet për "kundërshtarë" që gjenden në një vend tjetër. Edi Rama nuk la gjë pa thënë kundër atyre që e shigjetonin këtë ide nga "kolltuku dhe Facebook-u", tha se ajo bëhej për luftën e brendëshme politike në Prishtinë, stigmatizoi "turbo folkun nacionalist të shekullit të kaluar", që po mban peng të ardhmen e brezave të rinj, u tall me Kosovën edhe kështu të pushtuar nga mallrat serbe dhe ironizoi tregun e vogël politik të këtushëm që në fakt nuk vlen për asgjë. Merkel sfumon "Ballkanin e hapur", Rama e shfrytëzon për të sulmuar Prishtinën Në këtë këndvështrim kryeministri theu një rekord, sepse anjëherë më parë askush nuk e ka shfrytëzuar seancën parlamentare të paraqitjes së programit për të larë llogaritë e veta personale. Ky akt startimi i një qeverie të re shërben rëndom për ti thën votuesve se çfarë do të bëjë qeveria gjatë katër viteve të ardhshme dhe jo për të shfryrë dufet dhe mëritë e shefit të saj. Një ndryshim i tillë kursi tregon dy gjëra. E para se Rama ka hequr dorë nnga procesi i llogaridhënies dhe kjo është e vetëkuptueshme që prej kohës kur ai nuk i nënshtrohet më zgjedhjeve normale. Dhe pastaj se rënimi që iu bë Open Balkan-it në samitin me Merkelin në Tiranë, i ka mbetur halë në fyt, aq shumë sa shfrytëzoi edhe seancën e prezantimit të programit, për të anatemuar kundërshtarët e kësaj ideje. ©Lapsi.al
