"Kam qenë i dëmtuar pardje në stërvitje, dhe trajneri më pyeti a je 100% i thashë “PO” pasi për fanellën, për Shqipërinë bëj gjithçka, hyra me besim të bëj golin të ndihmoj ekipin dhe morëm 3 pikët. Për Poloninë do të shohim në stërvitjen nesër, por sot në ndeshje isha mirë, e kisha mirë këmbë". Armando Broja, ndëshkuesi i Hungarisë, njeriu që i ka shkaktuar dy golat dhe dy humbjet historike magjarëve përballë Shqipërisë ëndërron kualifikimin në Botëror e ka vënë në shënjestër Poloninë.
Natyrisht nuk do të jetë e lehtë të përballesh me polakët, por kjo seri prej tre fitoresh radhazi të kuqezinjve ka krijuar optimizëm tek shkodrani: "Vendin e dytë do ta besojmë deri në fund, kemi dëshirë të luajmë në Botëror është gjë e madhe, pasi nuk jemi vend i madh por kemi shpirt, shyqyr që morëm tre pikë, duhet të jemi me këmbë në tokë dhe të përqendruar për sfidën me Poloninë".
