Milani vazhdon të humbasë pjesë. Mike Maignan gjithashtu detyrohet të ndalojë dhe Pioli do ta humbasë portierin për dhjetë javët e ardhshme. Portieri francez kishte luajtur me një dhimbje në dorën e majtë prej ca kohë dhe konsultimi i fundit kishte çuar në vendimin për të proceduar me një operacion. Pas mendimit të specialistit, Maignan iu nënshtrua një artroskopie të kryer nga profesor Loris Pegoli, gjatë së cilës doli lezioni i një ligamenti të kyçit të dorës së majtë, që u riparua. Francezit i është vendosur gjithashtu edhe një vidë në skafoid për shkak të një shqetësimi vaskular. Mbrojtësi ekstrem do të largohet nga klinika e La Madonnina të enjten.
Klubi kuqezi nuk humbi kohë, pas lajmit të marrë dhe mbylli tratativën për Antonio Mirante, pa kontratë pas përvojës së tij të fundit në Romë: kontratë deri në qershor me një opsion për vitin e ardhshëm për portierin. Në mëngjes ai përfundoi vizitat mjekësore fillimisht në Klinikën Columbus dhe më pas në La Madonnina. Pas marrjes së aftësisë sportive, ai ishte në gjendje të nënshkruante kontratën me klubin kuqezi.
Kundër Veronës do të jetë radha e rumunit Tatarusanu në portë, por Stefano Pioli duhet të merret me emergjencën në departamente të ndryshme. As Ibrahimovic nuk duhet të rikuperohet për ndeshjen kundër verdhekbluve (suedezi punoi veçmas siç ishte planifikuar, sot ose nesër ai mund të kthehet në stërvitje në grup. Vetëm pas kthimit të tij në kapacitet të plotë Pioli do të vendosë nëse do ta përfshijë ose jo mes të grumbulluarve). Për Maignan kohët e rikuperimit janë rreth dy muaj e gjysmë: portieri francez do të mbetet i padisponueshëm deri në Krishtlindje, një goditje vërtet e keqe për Milanin tashmë i masakruar nga dëmtimet.
