Askush nuk do të përdorë termin vendimtar. Max Allegri e ka përjashtuar tashmë në konferencën për shtyp, e një gjë të tillë e ka bërë edhe Simone Inzaghi, duke pranuar megjithatë se Inter-Juventus është "një ndeshje që vlen më shumë se tre pikët në lojë" dhe se për ata që humbasin do të jetë e vështirë të ngrihen.
Kështu, ekziston një ndërgjegjësim i plotë dhe absolut për atë që është në lojë nesër mbrëma në San Siro, edhe për të nderuar titullin kampion që bie në sy në fanellat e zikaltërve: "Jam i kënaqur që Allegri ende na konsideron skuadrën më të fortë - tha trajneri interist në konferencën për shtyp, duke iu referuar fjalëve të kolegut të tij të Juventusit – por fare mirë mund të them të njëjtën gjë për ta, për Milanin, për Napolin apo për skuadrat e tjera”.
Me pak fjalë, përplasjet verbale janë hapja e asaj që do të ndodhë në fushë, duke filluar nga vendimi i marrë në dhomat e zhveshjes zikaltër, pas ngjarjeve në Olimpico javën e kaluar: "Pas asaj që ndodhi me Lazion, ne vendosëm se nuk do ta nxjerrim më topin jashtë me një njeri në tokë, por do t'i bindemi vetëm vendimeve të 'arbitrit'.
