Një e dielë nga ato që të ngulisin në divan. Në mënyrën e saj unike, në fakt, sepse nuk po flasim për ato të diela që të mbajnë në ankth në pritje të një ndeshje të madhe, por nga ato ditë ku sfidat e mëdha nuk të lënë frymëmarrje. Janë katër klasike, me vetëm një problem: dy nga katër ndeshjet e mëdha të asaj që një anglosakson mund ta quajë Super Sunday, duke i rrëmbyer termin e rezervuar të dielës së Super Bowl në SHBA, do të nisin në të njëjtën kohë. Nëse Barcellona-Real Madrid do të nisë 16.15, duke u bashkuar kështu vetëm për një gjysmë ore me Manchester United-Liverpool (starti në 17.30), Olympique Marseille-PSG (e treta kundër kryesueses në Francë) e Inter-Juventus do të luhen njëkohësisht në 20.45. E këtu është i nevojshëm një ekran i dytë...
Por pavarësisht se kush do t'i përjetojë këto katër perla të topit para televizorit, mbi divan e me brohoritje të furishme për qejfin e tij - ka përkundrazi, nga ata që kanë qenë protagonist në fushat e gjelbra të Camp Nou, Bernabeu, Old Trafford, Anfield, Stadium (ose Delle Alpi i vjetër), San Siro, Parc des Princes dhe Velodrome. Në fakt, dy prej tyre kanë luajtur poker, në fushë në të katër super sfidat. Dikush është shumë i lehtë për tu gjetur, Zlatan Ibrahimovic. Tjetri? Epo, për të duhet një kujtesë e hekurt për ta mbajtur mend: Laurent Blanc. E këtu mund të përfshihet gjithashtu Nicolas Anelka, që në fakt Inter-Juve e përjetoi vetëm nga pankina, pa e luajtur.
