Inter-Juventus do të luhet sërish në San Siro në janar 2022. Dështon mundësia e Arabisë Saudite, Lega Serie A në fakt ka vendosur që Superkupa e Italisë 2021 të luhet në Milano, por ende nuk ka një datë përfundimtare. Fillimisht ishte supozuar më 5 janar, por ka më shumë gjasa që të luhet më 12, sepse Lega do të donte një stadium të tejmbushur, gjë e vështirë të arrihet me tifozët ende me pushime për festat e Krishtlindjes dhe fundvitit. Riadi ka një kontratë të nënshkruar, por nuk e ushtroi në kohë opsionin që ndeshja të luhej në tokën arabe kështu që me siguri trofeu do të shkojë në Emirate në edicionet e mëvonshme.
Në këtë mënyrë, Juventus-Napoli duhet të luhet rregullisht, ndeshje që është planifikuar për në 6 janar, edhe pse Aurelio De Laurentiis do të kishte preferuar shtyrjen duke qenë se Koulibaly, Anguissa dhe Osihmen do jenë të impenjuar në Kupën e Afrikës. E njëjta gjë vlen edhe për Bologna-Inter. Për më tepër, me zgjedhjen e datës 12 janar, nuk do të kishte ndeshje të kampionatit që do të zhvendoseshin në një program tashmë mjaft të ngjeshur me angazhime.
