Debatit për deklaratat e Cassanos në lidhje me Francesco Tottin (“pas 20 vitesh ai do të harrohet”) i është bashkuar edhe Zdenek Zeman, trajneri aktual i Foggias në Serinë C, me një të kaluar te verdhekuqtë. "Cassano nuk ka të drejtë, Totti mbetet gjithmonë simboli i Romës. Është parë edhe të dielën e kaluar, kur i janë kushtuar shumë kore", deklaroi ceku drejtpërdrejt në Rai Radio 1, i ftuar në Un Giorno da Pecora.
“UNË JAM ME TOTTIN” – Në ndeshjen Roma-Napoli, që përfundoi 0-0, ato “pak brohoritje kundër” të përmendura nga Zeman, i drejtoheshin mbi të gjitha Luciano Spallettit. "Unë nuk do t'i kisha bërë - ka thënë mendimin e tij trajneri 74-vjeçar - edhe pse sigurisht që preferoj Tottin, me të cilin kam pasur tjetër raport. Ai do të mbahet mend, unë jam në anën e tij". A do ta kujtojnë Cassanon pas 20 vitesh? “Në Bari, ndoshta”, përgjigjet Zeman.
PËR TITULLIN - "Juventus nuk kuptohet se si mund të shkojë, ata fitojnë por nuk janë bindës. Gjithmonë ka qenë i bazuar te mbrojtja dhe vazhdon të jetë", ishte mendimi i tij për bardhezinjtë. "Po meriton shumë", u përgjigj ai kur u pyet nëse Napoli mund të jetë një kandidat i besueshëm për titullin. Lazio dhe Roma, ish-skuadrat e tij, tekniku i sheh "si gjithmonë: kanë momente pozitive dhe negative dhe nuk është e qartë pse". Më mirë Mourinho apo Sarri? "Të dy janë të mirë, por ata janë në vitin e tyre të parë në klubet e tyre përkatëse". Antonio Conte apo Inzaghi në Inter? "Më mirë Conte, ai punon më shumë për ti bërë lojtarët të kuptojnë më mirë se çfarë duhet të bëjnë”, ka thënë ai mendimin e tij për Rai Radio 1.
