Do të zbulohet më 28 nëntor në stadium, para ndeshjes Napoli-Lazio, statuja e Diego Armando Maradonës, me përmasa reale e porositur dhe dhuruar nga Stefano Ceci, miku dhe ortaku i Pibe de oro, për të nderuar një premtim që i kishte bërë Diegos në vitin 2017, kur u shpall qytetar nderi i Napolit. Këmba e majtë dhe "mano de Dios" janë zbukuruar me një fletë ari dhe janë marrë nëpërmjet një skanimi 3D të kryer në vitin 2018. Mbi statujë, që është realizuar në Fondery Nolana, do të jetë prezent edhe mbishkrimi "Edhe unë jam napolitan".
