"Ne kemi fituar për shumë vite dhe ishte koha për të rinovuar skuadrën, me përzierjen e duhur të lojtarëve me përvojë si Buffon, Chiellini dhe Bonucci me lojtarë të rinj si Chiesa dhe De Ligt. Ne u përpoqëm të realizonim të tashmen dhe të ardhmen e klubit, me synimin për të qenë konkurrues në Itali dhe në Evropë. Për të vazhduar të fitojmë”. Kështu deklaroi Pavel Nedved, zëvendëspresidenti i Juventusit, në konferencën për shtyp për prezantimin e 'All or Nothing - Juventus', një dokumentar që do të transmetohet në Amazon Prime Video me fokus në sezonin 2020/21 të bardhezinjve.
"Juventus ka lindur për të fituar, ata planifikojnë të ardhmen me të rinjtë që janë motori për të na bërë të fitojmë në të ardhmen. Ne mendojmë edhe për të tashmen, sepse është e rëndësishme ta ndërtosh me të rinj", shtoi Nedved i cili më pas foli për serialin TV që ka të bëjë me klubin bardhezi: "Nuk është e lehtë të përshkruash një sezon të plotë futbolli, është gjithmonë plot emocione. Është e mrekullueshme të përjetosh marrëdhëniet mes drejtuesve dhe lojtarëve, marrëdhëniet me stafin teknik. Këto janë emocione që të çojnë në produktin final që janë ndeshjet. Kemi arritur shumë fitore, por edhe shumë humbje. Ishte bukur të përballeshim me problemet e një sezoni në të cilin fituam dy trofe nga katër, me një trajner debutues si Pirlo dhe me Cristiano Ronaldon në ekip”.
