Stefano Pioli dhe AC Milan do të vazhdojnë së bashku të paktën deri në vitin 2023, me një opsion për të zgjatur marrëveshjen edhe për një sezon të mëtejshëm. Palët kanë arritur një akord dhe, siç zbulohet nga drejtori sportiv kuqezi Massara, para ndeshjes kundër Atleticos, njoftimi zyrtar pritet të premten. Sipas zërave të para, Pioli do të përfitojë 3.5 milionë euro në sezon që, me bonuset, mund të shkojnë deri në katër.
Kanë kaluar më pak se dy vjet nga turpi i pesë golave të pësuar në Bergamo që dukej se e shoqëruan trajnerin te dalja, pas vetëm disa javësh te Milan, ashtu si tashmë është një kujtim i largët hija e Rangnick që për gjatë gjithë gjysmës së dytë të sezonit 2019/20 shoqëroi Piolin dhe Milanin.
Tashmë skuadra kuqezi është rikthyer në Champions League dhe konkurron në nivele të larta në kampionat, siç kujton vendi i parë në renditjen e ndarë me Napolin, e gjitha kjo duke bërë që lojtarët e rinj dhe interesantë të rriten, si Leao, por edhe Kalabria dhe Saelemaekers, duke pësuar pa dëme të mëdha lamtumira shumë të rënda si Donnarumma dhe Calhanoglu vetëm verën e fundit.
Një rritje në lojë, në ndërgjegjësim dhe në rezultate që e bindi Milanin të shpërblejë Piolin duke rinovuar kontratën e tij që skadon në qershor 2022, pothuajse duke dyfishuar pagën e tij dhe duke lënë të hapur mundësinë e zgjatjes së partneritetit deri në vitin 2024.
