Një shpërthim ka ndodhur ditën e sotme pranë një stacion treni në qytetin gjerman të Mynihut. Stacioni është ndër më të frekuentuarit në qytetin e madh gjerman, teksa mësohet se shpërthimi ndodhi gjatë punimeve që po bëhen pranë stacionit Donnersberger Brücke. Nga raportimet e deritanishme 3 persona rezultojnë të plagosur, njëri në gjendje të rëndë. Shërbimet e urgjencës ndodhen në vendngjarje dhe ndërkohë lëvizja e trenave është ndërprerë për momentin.
Policia tha se po kujdeset për njerëzit, ndërsa shkaku i saktë i shpërthimit ende nuk dihet.
