Nuk ka paqe në shtëpinë e Milan dhe infermieria e Milanellos vazhdon të jetë plot me raste të rëndësishme. I fundit në rend kronologjik ka të bëjë me Rafael Leaon, i zëvendësuar në intervalin e ndeshjes së kampionatit ndaj Salernitanës "si masë paraprake" nga Pioli, për të shmangur problemet pas një goditje. E ndërkohë problemet nuk u evituan: ai kontuzion krijoi një lezion të vogël të bicepsit femoral për portugezin. Kështu, mungesë e sigurtë ndaj Liverpool, ashtu si edhe në ndeshjen kundër Udineses, por rrezikohet madje edhe përplasja e mëvonshme direkte për kreun me Napolin.
Në pas-ndeshjen e sfidës së kampionatit mbretëroi qetësia, ajo që ndjeu Leao dukej se ishte shembja klasike që do të hiqej me pak pushim në orët në vijim, edhe pse ngurtësimi i muskulit e kishte këshilluar Piolin ta zëvendësonte në pushim. Në vend të kësaj, analizat treguan për një dëmtim të vogël në muskulin e kofshës që me siguri do ta largojë portugezin nga lista e protagonistëve ndaj Liverpoolit në Champions League dhe Udineses në kampionat, me rrezik të fortë edhe për ndeshjen e madhe ndaj Napolit pas dy javësh.
Për ndeshjen me Reds, Pioli do të duhet të zgjedhë mes Krunic dhe Messias. Një zgjedhje më shumë konservatore se e guximshme, por sidoqoftë për t'u balancuar me interpretuesit e tjerë që do të dërgohen në fushë që nga minuta e parë. Jo se tekniku ka kushedi sa zgjedhje për të bërë me një infermieri kaq të mbushur, ku rrezikoi të përfundonte edhe Theo Hernandez, që nuk mori pjesë në stërvitjen e sotme, pasi u mbajt në qetësi si masë paraprake sepse kishte ethe. Anësori megjithatë duhet të jetë gati nesër mbrëma, edhe pse ndoshta jo në gjendjen optimale.
