Rennes sfidoi me një deklaratë për shtyp vendimin e UEFA-s për të shtyrë, për shkak të Covid-19, ndeshjen e Conference League planifikuar fillimisht këtë mbrëmje në Londër kundër Tottenham. Klubi anglez u ankua se mes tyre ka 13 të infektuar dhe shtyrja e ndeshjes u konfirmua në momentin që klubi francez kishte mbërritur në Londër.
Sipas Rennes, në një mbledhje të zhvilluar përmes video konferencës, drejtuesit e klubit anglez kanë refuzuar që të tregojnë numrin e saktë të lojtarëve të infektuar me Covid, duke rikujtuar se sipas rregullores ndeshja shtyhet vetëm nëse skuadra ka vetëm 13 lojtarë në dispozicion. Francezët thonë se Tottenham u bazua në një vendim të autoriteteve angleze, por pa treguar asnjë dokument serioz.
“Ka një mungesë të dukshme Fair Play. Tottenham na njoftoi se do të zhvillohej ndeshja dhe sapo arritëm në Londër na njoftoi se nuk donte që të luante”, shkruhet mes të tjerash në njoftimin e Rennes.
