Massimo Moratti nuk e harron kurrë rivalitetin me Juventus dhe një pickim atyre para shortit të Champions League, të planifikuara për të hënën e ardhshme në Nyon, nuk bën kurrë keq. Në kohën kur Interi është në pritje të njohë kundërshtarin që do të dalë nga ky short, ish-presidenti i zikaltërve qesëndis: "Nuk e di cilin kundërshtar të zgjedh. Ndoshta Lille apo Ajax. Është për të ardhur keq që nuk mund të luajmë me Juventusin, sepse do të ishte më e thjeshta, ndoshta", ka thënë ai me rastin e prezantimit të librit për Peppino Priscon.
Skuadra e Simone Inzaghit përfundoi e dyta pas Real Madrid dhe do të ketë përballë një skuadër nga vazo e parë. Ka shumë rreziqe në këtë short: Manchester City, Liverpool, Ajax, Bayern Munich, Manchester United dhe Lille.
Në kujtimet e Morattit, roli i Priskos në negociatat për të marrë Interin në vitin 1995 ishte thelbësor: "Nuk mund ta harroj ditën kur, duke dalë nga shtëpia, e gjeta në këmbë, në një qoshe duke më pritur: në dhjetë minuta ai më shpjegoi se “Interi po kalonte një moment të keq dhe se duhej të ndërhyhej menjëherë, por duke shtuar se duhet ta bëja unë, që deri në atë moment po mendoja për gjithçka përveç blerjes së Interit. Në ato pak minuta ai arriti të më tregonte praktikisht gjithçka dhe gjithashtu për të më bindur për faktin se në thelb unë mund të bëja diçka. Prisco bëri gjithçka që negociatat të fillonin dhe të përfundonin siç donte ai, ai gjithashtu organizoi takimet. Unë isha në ato situatat klasike ku është një shok të cilit e ke të vështirë t'i thuash jo. Po sikur sot ta gjeja sërisht në qoshe duke pritur? Oh jo, nuk do ta bënte për herë të dytë. Do të ndërroja trotuarin...”.
