Policia e Lezhës procedoi penalisht një të ri, si dhe e gjobiti dhe i hoqi patentët për dy vjet, pasi kreu manovra të rrezikshme në aksin Milot-Mamurras. Policia, pas publikimit të një videoje në rrjetet sociale, identifikoi 24-vjeçarin D.N. i cili me mjetin e tij kryente “drift” në mes të rrugës dhe qarkullonte në sensin e kundërt.
I riu akuzohet për manovra të rrezikshme, lëvizje në sens të kundërt, prishje e qetësisë publike. Për këtë arsye, atij iu bllokua mjeti si dhe iu vendos masë administrative 60.000 lekë të rinj, si dhe pezullim i lejes së drejtimit për 2 vjet.
