Një stadium i ri, i konceptuar dhe projektuar nga ata që kanë ndërtuar Wembley. Sipas ‘La Gazzetta dello Sport’ Milan dhe Inter shumë shpejt do të kenë stadiumin e ri ku do të zhvillojnë ndeshjet e tyre duke nisur që nga viti 2027. Stadiumi i Milanos, i frymëzuar nga Duomo dhe Galleria Vittorio Emanuele II, do të projektohet nga studio Populous, e njohur më mirë si Katedralja. Ky projekt kishte muaj që ishte në avantazh ndaj projektit “Anelli” të Manica-Sportium. Në orët në vijim, ose të paktën para Krishtlindjeve do të vijë edhe lajmi zyrtar.
Populous është një njohje e vjetër e impianteve të sportit. Kjo studio ka projektuar më shumë se 1000 stadiume, duke përfshirë të famshmin Wembley dhe stadiumin e ri të Tottenham. E gjithë cështja tani vërtitet nëse do të jetë një stadium i ndërtuar mbi rrënojat e san siros së vjetër, apo jo. Ekziston hipoteza se impianti i vjetër do të prishet pjesërisht pas Lojërave Olimpike Dimërore 2026, ngjarje që do të zhvillohet në San Siro, për t’u shndërruar në një “distrikt sportiv dhe tregtar”.
