Italia e Roberto Mancinit, pas triumfit të verës së kaluar në Kampionatin Evropian, rrezikon të mos hyjë në Botërorin e ardhshëm, për shkak të dështimit të arrinte vendin e parë në grupin kualifikues dhe një play-off drithërues. E kështu, në mbrëmjen e sotme Striscia la notizia (Canale 5, 20.35) i ka dedikuar trajnerit të Kombëtares "Tapirin e Artë" të vitit, me shpresën se do të jetë një ogur i mirë për play off-in.
“Është e vërtetë, rrezikojmë të mos shkojmë në Botëror. Edhe unë jam i shqetësuar si të gjithë italianët, por kemi edhe dy ndeshje”, pranon Mancini, i cili në fund të intervistës i lëshohet optimizmit: “Në Katar do të shkojmë e nëse do të jetë kështu, do të duhet të më sillni një Tapir tjetër, më të madh se ky."
