Një goditje surprizë e Juventusit, për verën e ardhshme. Sipas asaj që raportohet nga gazeta katalanase, Sport, shumë afër zhvillimeve të Barcelonës, bardhezinjtë në fakt kanë arritur tashmë një marrëveshje në parim me Moussa Sissoko, menaxherin e Ousmane Dembele, sulmuesit anësor që shkon në skadencë kontrate me blaugranat. Dembele po negocion rinovimin me Barçën, por akordi është thuajse i pamundur dhe francezi mund të mbërrijë në Torino me parametër zero.
Sulmuesi francez nga ana e tij ka dhënë dritën jeshile për transferimin në Itali, por fillimisht duket i gatshëm të presë lëvizjet e PSG-së, klubi ku do të preferonte të shkonte si destinacion i ardhshëm. Orët që do të vijnë, shkruan Sport, do të jenë vendimtare: në fakt, ultimatumi i Barcelonës për rinovimin me sulmuesin do të skadojë dhe në rast të një rezultati negativ, nëse Paris Saint-Germain nuk avancon me ofertën e tij, Dembelé do të marrë rrugën që të çon në Torino.
