"FK Partizani me kënaqësi njofton arritjen e marrëveshjes me Sherif Kallakun. Mesfushori i spikatur, bashkohet me 16-të herë kampionët e Shqipërisë pas eksperiencave të suksesshme në kampionatin tonë me ekipet e Laçit dhe Teutës si dhe jashtë vendit te NK Lokomotiva Zagreb". Me një komunikatë për shtyp, Partizani ka njoftuar firmën me fantazistin, me shpresën se Kallaku do të stabilizojë një repart ofensiv që ka lënë për të dëshiruar deri tani.
Sipas asaj që kanë bërë të ditur drejtuesit e klubit të kuq, marrëveshja është arritur me me klubin kroat të NK Lokomotiva Zagreb për huazimin e 23 vjeçarit, i cili do të jetë pjesë e të kuqve deri në fund të këtij sezoni futbollistik. Ajo që i bën skeptik tifozët është se Kallaku në gjysmën e parë të kampionatit të luajtur me Teutën ishte larg nga të qenit i njëjti që bëri diferencën po me Teutën, përpara se të transferohej në Kroaci.
