Ish-kryeministri, Sali Berisha gjatë një prononcimi për mediat ka bërë një deklaratë të fortë duke u shprehur se në selinë blu ka vrasës e njerëz në kërkim. Berisha ka identifikuar njërin prej tyre, duke thënë se brenda është një person me mbiemrin Shata, teksa shtoi se për të gjithë do të ngrihet padi. Lideri historik i Partisë Demokratike tha se policia ndërhyri me kërkesë të Bashës tek kryeministri Edi Rama.
" Por as blindet dhe as vrima e miut nuk e shpëton më nga populli opozitar Lulzim Bashën. U arrit sot shumë. Sot u arrit që çdo shqiptar të kuptojë se ç’përfaqëson Basha para tyre për interesat e tyre.
Që aty ka vrasës është e qartë njëri me mbiemrin Shata. Ka dhe të tjerë. Janë madje në foto persona të grupeve fondamentaliste. Ndaj të gjitha këtyre do ngrihen padi. Lidhur me faktin se narkopolicia pas telefonatës që mori nga Rama që të ndërhynte me kërkesë të Bashës, ajo kërkoi që Basha ta bëjë kërkesën publike. Dhe ai e bëri kërkesën publike dhe vetëm pasi u bë kërkesa publike policia ndërhyri shtazërisht”, tha Berisha.
