Barazim zhgënjyes për Barcelonën në javën e 20-të të La Ligës: Të besuarit e Xavit nuk shkojnë përtej 1-1 në fushën e Granadës, me Puertas (89') që i përgjigjet goditjes me kokë të de Jong (57'). Real Sociedad i rikthehet fitores, duke mposhtur Celta Vigon 1-0 falë golit të Oyarzabal në minutën e 13-të, suksesi i parë në kampionat për skuadrën e fundit të renditjes Levante, që mposhti Mallorca 2-0 me golat e Soldado (47') dhe Morales ( 97').
Një mundësi e madhe e cuar dëm nga Barcelona, e cila në fund pa t'i zbehet një sukses shumë i çmuar për t'iu afruar zonës së Champions: në fakt, në minutën e 89-të, Granada barazoi 1-1 dhe befasoi Xavin. Sfida u duk se u zhbllokua në minutën e 8-të, por goli me kokë i De Jong u anullua për shkak të pozicionit jashtë loje të Gavit, në zhvillimin e aksionit. Në mesin e pjesës së parë, ter Stegen ruajti rezultatin në të majtën e Machis në zonë, por rezultati ndryshoi në favor të katalanasve në pjesën e dytë: krosimi nga e djathta i Dani Alves u shfrytëzua saktë me kokë nga de Jong, i cili këtë herë është në pozicion të rregullt dhe mposhti Maximianon.
Në fund, megjithatë, situata e Barcelonës u komplikua: në minutën e 80-të Gavi, i ndëshkuar me karton të verdhë në pjesën e parë, mori të dytin për një faull të rëndë ndaj Collados duke i lënë katalanasit në inferioritet numerik. Granada e shfrytëzoi këtë dhe, pak sekonda nga koha shtesë, gjeti golin e barazimit: në zhvillimet e një goditje dënimi Puertas goditi brenda zonës, duke nënshkruar 1-1 dhe duke befasuar Barcelonën. Një barazim, madje i teti në njëzet ndeshjet e La Ligës, që i bën dëm skuadrës së Xavit, që humbet kështu mundësinë për të kaluar në vendin e tretë për disa orë. 32 pikë për blaugranat, -1 nga Real Sociedad dhe Betis. Nga ana tjetër, Granada u ngjit në kuotën 24 dhe qëndron në +8 nga zona e rënies, duke ndalur një tjetër skuadër të madhe pas fitores 2-1 ndaj Atleticos.
