Novak Djokovic dhe çështja e vaksinimit e kanë trazuar Australinë shumë më tepër se sa ka menduar kryeministri Scott Morrison. Dhjetra mbështetës të tenistit serb u gjendën jashtë zyrës ligjore të avokatit që mbrojti Djokovic në apelimin pas refuzimit të vizës, që e pengonte atë të luante në Australian Open, duke kërkuar lirinë e tij. Tifozët mbërritën para ndërtesës pak pas orës 20:00, të veshur me flamuj serbë, duke brohoritur "lironi Novak!" dhe duke bllokuar trafikun në të dy drejtimet. Pak para orës 21:00, me orën lokale, gjakrat u nxehën ndërsa turmat rrethuan një makinë që përpiqej të kalonte rrugën. Policia më pas përdori spray me piper kundër mbështetësve të Djokoviç pasi ata rrethuan atë që ata besonin se ishte automjeti i yllit të tenisit.
