Ministrja e Arsimit dhe Sporteve Evis Kushi ka dalë në një komunikim ditën e sotme lidhur me situatën e të ftohtit në shkolla dhe ditëve që nxënësit do të rrinë larga bangave. Në deklaratën e saj, Kushi përveçse ka detajuar komunikimin e dhënë ditët e fundit, por edhe ka aluduar mbi mundësinë e të bërit të detyrueshëm të arsimit të mesëm.
"Ky transformim i arsimit përkon edhe me vizionin tonë mjaft sfidues për Shqipërinë e vitit 2030, për një arsim sa më cilësor në shkolla dhe universitete, në përputhje me nevojat e reja të shekullit 21. Le të jemi më ambiciozë dhe të punojmë së bashku që në Shqipërinë e vitit 2030, pse jo, nxënësit shqiptarë ta kenë arsimin e detyruar edhe në shkollën e mesme, deri në moshën 18 vjeçare. Ky do të ishte investimi më i mirë për të ardhmen e tyre dhe zhvillimin e Shqipërisë tonë të dashur", shkruan Kushi.
