Pas përplasjes me kreun e Bashkisë së Tiranës dhe publikimit të audio përgjimit ku dëgjohet kryebashkiaku Veliaj duke presionuar anëtarët e shoqatës për të manipuluar zgjdhjet në FSHF, tatimorët kanë zbarkuar në bizneset e kreut të Federatës Shqiptare të Futbollit, Armando Duka. Mësohet se janë 15 efektivë të hetimit tatimor që janë duke kryer kontrolle në bizneset e familjes Duka, raporton Ora News.
Mes Dukës dhe kryebashkiakut Veliaj ka patur një sërë përplasjesh ditët e fundit. Veliaj deklaron se Duka ka shpërdoruar detyrën duke vjedhur fondet e sportit. Nga ana tjetër, kryetari i FSHF-së thotë se Veliaj është duke ndërhyrë me anë të shantazhit në zgjedhje e Federatës.
