Partizani vazhdon të jetë aktiv në merkato deri në ditën e fundit të saj, edhe pse këtë herë goditja është bërë surprizë në kohën kur të kuqtë kërkonin një sulmues dhe kanë marrë një mesfushor. Pas Kallakut, Skukës e Bitrit, një tjetër lojtar vjen të rrëmbejë një vend titullari në skuadrën e Dritan Mehmetit, që tani sheh të ndryshojë 40% e skuadrës nga gjysma e parë e sezonit.
Blerja e fundit, që është zyrtarizuar nga vetë klubi, është Masanga Matondo. Klubi ka bërë të ditur marrëveshjen me mesfushorin organizator kongolez, i cili ka firmosur me të kuqtë një kontratë për dy vite e gjysëm. Fantazisti 22 vjeçar së fundmi ishte pjesë e kampionatit kongolez me skuadrës AS Otoho. Gjithashtu Matondo rregjistron edhe dy ndeshje me përfaqësuesen e Kongos.
