Rastet e reja me Covid-19 në vendin tonë kanë pësuar një ulje të lehtë përgjatë ditëve të fundit dhe e njëjta situatë është reflektuar edhe në këto 24 orë. Ministria e Shëndetësisë njofton se gjatë 24 orëve të fundit janë identifikuar 793 raste të reja me koronavirus në vend nga 3, 656 teste të kryera. Sipas njoftimit, 5 pacientë kanë humbur jetën. Konkretisht nga koronavirusi kanë ndërruar jetë tre qytetarë nga Tirana 64-82 vjeç dhe dy qytetarë nga Durrësi 73 dhe 87 vjeç.
Aktualisht në spitalet COVID po marrin trajtim 133 pacientë, nga të cilët 16 janë në gjendje më të rënduar. Gjithashtu MSH bën me dije se 1,548 qytetarë janë shëruar në këto 24 orë.
