Një tifoz i Leicesterit u arrestua pasi u përfshi në një sulm fizik ndaj lojtarëve të Nottingham Forest, në fitoren mahnitëse 4-1 të Reds ndaj Foxes në FA Cup në City Ground të dielën. Tifozi hyri në fushë pas golit të 3-0 të vendasve dhe filloi të godiste me shkelma dhe grushta lojtarët e Forestit përpara se të nxirrej jashtë nga forcat e sigurisë.
Leicester kërkoi menjëherë falje në lidhje me një incident të shëmtuar e që nuk ka justifikime: "Klubi është i tronditur nga kjo sjellje dhe i kërkon falje Nottingham Forest dhe lojtarëve të tyre. Përshëndesim veprimin e shpejtë të ndërmarrë nga stjuardët e City Ground që ndaluan agresorin, të cilit do t'i ndalohet përgjithmonë hyrja në ndeshjet në shtëpi dhe në transfertë të ekipit tonë”.
