Katër shqiptarë dhe një pakistanez, të gjithë të burgosur dhe të konsideruar si shumë të rrezikshëm nga autoritetet greke, janë arratisur nga tualeti i qendrës së paraburgimit, ku sapo ishin transferuar në Chania. Ata prenë hekurat nga dritarja me një objekt të mprehtë dhe u hodhën një nga një në garazhin e nëndheshëm të Komisariatit të Policisë.
Mungesa e tyre u konstatua në mëngjes nga gardiani i turnit, pasi u bë apeli.
Olsi Thoma Prifti, 43-vjeç, me origjinë nga Dropulli, është një nga personat e arratisur nga burgu në Hania të Greqisë.
Një tjetër nga të arratisurit është identifikuar si Ardian Meta., 32 vjeç nga Divjaka.
I treti njihet si D. F., 34 vjeç i dënuar për “trafik droge”.
Shqiptari i katërt raportohet se është një 29-vjeçar shqiptar i njohur me mbiemrin B… Ndërsa i arratisuri i 5-ë, është një pakistanez, i dënuar për vrasjen e tre personave.
Në mediat greke janë publikuar edhe fotot e shqiptarëve dhe pakistanezit që kanë mundur të sharrojnë hekurat e burgut dhe të arratisen
Deri më tani policia ka mundur të sekuestrojë vetëm furgonin me të cilin dyshohet se u larguan 5 të arratisurit.
Këto që shikoni në foton e mësipërme janë 4 shqiptarët dhe një pakistanez të cilët kanë mundur të arratisen nga një qeli në Greqi. Raportohet se ata kanë qenë duke u transferuar në një burg tjetër por kanë përfituar nga rasti dhe ia kanë mbathur.
Të arrestuarit kishin mbërritur në Chania pas transferimit të tyre, me traget nga Pireu, mëngjesin e së shtunës, 5 shkurt.
5 efektivë policie në Greqi janë vënë nën hetim për arratisjen e 4 shqiptarëve dhe 1 pakistanezi nga burgu. Ata akuzohen për neglizhencë, në momentin e arratisjes së 4 shqiptarëve dhe pakistanezit./Lapsi.al
