Presidenca i ka kthyer përgjigje 72 pyetjeve që trupa gjykuese e Gjykatës Kushtetuese i ka bërë palës së presidentit Meta gjatë seancës gjyqësore, ku u shqyrtua kërkesa e Kuvendit për shkarkimin e Presidentit. Këtë të martë presidenti Ilir Meta ka bërë publike përgjigjet e 72 pyetjeve. Siç njofton presidenca, publikimi i pyetjeve nuk u bë ditën e djeshme, pasi sipas tyre u morën me sjelljen e faljeve se Kuvendi ka manipuluar provat.
“Në funksion të transparencës para të gjithë qytetarëve, sot në ora 09:00, në faqen zyrtare të Institucionit të Presidentit të Republikës do të publikohen përgjigjet për 72 pyetjet e Gjykatës Kushtetuese. Na falni për vonesën prej 24 orësh, por ngjarja skandaloze e faktuar e manipulimit mafioz nga Kuvendi të provave kundër Presidentit të Republikës na e pamundësoi transparencën e plotë dje”, njofton presidenca.
