"Erdha për një no-coment, por për respekt po i bëj disa komente. Nuk kemi anë psikologjike të rënduar. Luajtëm si superior dhe aspak si skuadër inferiore. Morëm një gol me penallti shënuam një gol të rregullt. Për sa kohë që gjërat nuk i bëjmë dot me forcën e fushës, nuk i zhbëjmë dot jashtë fushës. Ziri ishte me Partinë Demokratike sot. Nuk kam asnjë problem me veten unë". Migen Memelli është një lumë i fryrë pas eleminimit nga Kupa e Shqipërisë, i mundur 1-0 nga Teuta, me një gol me penallti. Tërbimi i teknikut të Skënderbeut është përplasur mbi arbitrin Ziri: "Kush ma heq të drejtën mua të synoj Kupën, për sa kohë e kam guximin bashkë me lojtarët. Zgjuarsia i takon tjetër kujt, guximi më takon mua. Lojtarët kanë dhënë maksimumin, maksimumin do japin edhe ne".
Memelli nuk e ka fshehur zemërimin për golin e anulluar: "Bujar Pregja më tha se marrim si referencë gjykimin që i bëjnë ata momentit jo rregullores. Te goli i anuluar ka tërheqje te Dajan Shehi. VAR-i hyn për të na anuluar golin, por penallti nuk na japin. Komplimente Teutës, ne na ngelet pjesa për të bërë mirë në kampionat. Kjo puna jonë këtu ka stres, dua të falënderoj lojtarët për forcën që kanë treguar. Të gjitha pjesët e tjera i ngelet të ardhmes. Kam qenë gjithmonë i drejtpërdrejtë".
