Një automjet ka marrë flakë në ecje e sipër këtë të mërkurë në aksin rrugor Fier-Lushnjë, fatmirësisht pa shkaktuar pasoja në jetë njerëzish.
Policia bën me dije se në automjetin “Alfa Romeo” ishte shofer shtetasi G. N., 46 vjeç, banues në Tiranë, që ka shpëtuar pa lëndime.
Paraprakisht dyshohet se zjarri ka rënë si pasojë e një defekti në mjet.
"Në datë 09.02.2022, në aksin rrugor Fier-Lushnjë, ka marrë flakë në ecje e sipër automjeti tip “Alfa Romeo” me drejtues shtetasin G. N., 46 vjeç, banues në Tiranë.
Paraprakisht dyshohet se zjarri ka rënë si pasojë e një defekti në mjet.
Nuk ka dëme në njerëz.
Grupi hetimor po punon për përcaktimin e shkaqeve të rënies së zjarrit", njofton policia.
