Ambasadorja e Shteteve të Bashkuara të Amerikës, Yuri Kim këtë të mërkurë është takuar me kryeministrin Edi Rama. Sipas njoftimit të ambasadës amerikane, Kim ka diskutuar gjatë takimit dhe për tensionet në Ukrainë duke përshëndetur mbështetjen e Shqipërisë përballë agresionit rus. Gjithashtu ambasadorja ka nënvizuar se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin.
Mësohet se po ashtu është diskutuar mbi forcimin e institucioneve demokratike, dhe rritjen e bashkëpunimit tregtar mes SHBA-së dhe Shqipërisë.
