Shembja e 11 banesave të lagjes "5 Maji" është shoqëruar me tensione dhe përplasje mes forcave të policisë dhe banorëve. Forcat e Inspektoratit të Territorit dhe forcat e policisë Shqiponja kanë ndërhyrë me dhunë në një familje, shtëpia e të cilëve ishte vendosur për tu shembur këtë të martë. Anëtarë të familjes tentuan që të ngujoheshin brenda shtëpisë, por janë nxjerë me dhunë prej aty. Nga pamjet mund të shihet si banorët janë tërhequr zvarrë nga punonjësit, sepse nuk pranuan të lirojnë shtëpinë.
[video width="480" height="848" mp4="https://cdnimpuls.com/lapsi.al/wp-content/uploads/2022/02/WhatsApp-Video-2022-02-09-at-10-1-1.mp4"][/video]
Përveç banorëve, forcat e policisë kanë larguar me forcë gazetaren e Ora News, Sonila Musai e cila ishte duke raportuar ngjarjen.
[video width="352" height="640" mp4="https://cdnimpuls.com/lapsi.al/wp-content/uploads/2022/02/WhatsApp-Video-2022-02-09-at-10.09.15-AM-2.mp4"][/video]
Lagja e tregut të madh, e njohur si zona 5 maji është përfshirë nga bashkia në programet e rindërtimit. Bashkia e Tiranës ka nisur njoftimet në mes të tetorit, duke ofruar pagesa qiraje dhe një akt-marrëveshje me banorët për të përfituar nga programet e rindërtimit. Megjithatë, banorët dyshojnë se dokumenti është i njëanshëm pa vulë dhe pa firmë, dhe se në të nuk shënohen afate për fillimin dhe përfundimi i punimeve, vendi dhe koha e kompensimit të pronës, shkëmbimit dhe nuk cilësohet pronësia apo përdorimi i pronës.
