Një tjetër shtëpi bari është zbuluar nga policia e Tiranës. Uniformat blu kanë zbuluar një banesë të përshtatur për kultivimin e kanabisit në kryeqytet, ndërsa në pranga kanë rënë 38-vjeçari A.K., dhe 23-vjeçari L.Z. Gjatë kontrollit në banesën e shtetasit A. K., janë gjetur dhe sekuestruar vazo me fidanë kanabis të kultivuara në to, 31 llamba elektrike, një sasi rreth 140 gramë lëndë narkotike e dyshuar cannabis sativa, e cila ishte e ambalazhuar në 7 kavanozë qelqi të përmasave të ndryshme, një radio si ato që përdoren nga policia, një bllokues valësh dhe një detektor për kërkimin e GPS.
Materialet procedurale iu referuan Prokurorisë pranë Gjykatës së Shkallës së Parë Tiranë, për veprat penale “Kultivimi i bimëve narkotike” dhe “Prodhimi dhe shitja e narkotikëve”.
