Pasi është raportuar gjerësisht se Rusia ka tërhequr disa nga trupat e saj nga kufiri ukrainas, ka ardhur edhe reagimi i presidentit Volodymyr Zelensky. I pari i Ukrainës ka thënë se nuk ka parë tërheqje trupash, por thjesht është raportuar në lidhje me këtë.
“Të jem i sinqertë, ne reagojmë ndaj realitetit dhe nuk kemi parë ende asnjë tërheqje të trupave rusë. Vetëm kemi dëgjuar”, tha Zelensky.
Zelensky shtoi se tashmë të gjithë presin uljen e tensioneve.
“Sa i përket kërcënimit, e kam thënë shumë herë që jemi të qetë sepse e gjithë kjo nuk ka nisur dje. Kjo ka shumë vite që ka filluar ”, shtoi ai.
