Policia Metropolitane e Londrës njoftoi se po fillon një hetim për financimin e bamirësisë së Princit Çarls nga një miliarder nga Arabia Saudite.
Kjo pasi dyshohet se miliarderi në fjalë dyshohet se në këmbim të donacioneve të tij mori nënshtetësinë britanike dhe iu dha titulli nderi i njerëzve të shquar për shërbimet e tyre ndaj Kurorës.
Clarence House, rezidenca zyrtare e Princit Çarls dhe Dukeshës së Cornwall ka thënë se trashëgimtari i fronit synon të ndihmojë në hetimin e çështjes, por tha se Çarls nuk dinte asgjë për marrëdhëniet e Arabisë Saudite me institucionin e tij dhe shpërblimin që ai mori për donacionet e tij.
Shkak për hetimin e Policisë Metropolitane dy letra që denonconin skandalin.
Sipas raportimeve, arabi kishte paguar disa mijëra paund për njerëzit që kishin lidhje të ngushta me Çarls dhe të cilët e kishin siguruar atë se në këmbim të donacioneve të tij ai do të merrte një çmim të shquar nderi. Policia Metropolitane e Londrës tha se kishte mësuar për skandalin përmes dy letrave – një nga ish-deputeti Liberal Demokrat për Lindjen e Sussex Norman Baker dhe tjetra nga "Demokracia anti-monarki". Në letra thuhet se në skandal janë përfshirë edhe Princi i Uellsit, edhe bashkëpunëtori i tij i ngushtë.
Sipas Daily Mail , miliarderi saudit konsiderohet si një nga sponsorët më të mëdhenj në Mbretërinë e Bashkuar dhe vlerësohet të ketë paguar më shumë se 1.5 milionë paund (1.7 milionë euro) për donacione për bamirësi që lidhen me Pallatin Buckingham.
