Tanket ruse po lëvizin drejt kufirit me Ukrainën, ndërsa lindja e vendit po goditet nga predha artilerie.
Një grup i madh tankesh të blinduara ruse të pikturuara me shkronjën “Z” aktualisht po lëvizin drejt kufirit ukrainas, raporton express.uk.
Pamjet tregojnë se shkronja ‘Z’ është vendosur mbi tanke, armë vetëlëvizëse, kamionë me karburant dhe automjete furnizimi.
Kanali i pavarur rus Telegram Hunter’s Notes tha: “Të gjitha pajisjet e shënuara me ‘Z’ u panë pranë Kursk dhe në rajonin Shebekino të Belgorod’ në kufi me Ukrainën.”
Shpërthimet nga predha artilerie besohet se janë dëgjuar në Donetsk, në Ukrainën lindore, të shtunën vonë.
Derisa lajmet rrjedhin nga rajoni kufitar i përçarë, një i huaj nga Britania e Madhe ka thënë se komuniteti i vogël i britanikëve në vend do të “luftojë si djajtë” me Ukrainën në rast të një pushtimi rus.
Ai i tha BBC-së: “Ne jemi këtu, ne jemi gati të luftojmë dhe do të luftojmë si djajtë, po ju them. Këtu ka një komunitet të vogël emigrantësh”.
