Zërat, prej javësh, po qarkullonin në ambjentet romane: mes Francesco Tottit dhe Ilary Blasit ka një krizë të gjatë dhe të thellë martesore. Të dy drejtpërdrejt kanë preferuar të heshtin, ashtu si është logjike për një çift që kanë njëzet vjet bashkë dhe kanë tre fëmijë të minorenë. Kapiteni historik i Romës dhe prezantuesja televizive u fejuan në mars të vitit 2002 dhe të gjithë e mbajnë mend se si numri 10 i kishte kushtuar një gol të bukur në një derbi duke ekspozuar fanellën “6 unica”. Më pas, në qershor të vitit 2005, ata u martuan, duke shfrytëzuar edhe transmetimin e drejtpërdrejtë televiziv. Cristian lindi në nëntor të atij viti, më pas Chanel në maj 2007 dhe më në fund, në mars 2016, Isabel.
Si rrjedhojë, ngadalë filloi rënia e marrëdhënies. Prej kohësh Totti dhe gruaja e tij nuk shfaqen së bashku në raste zyrtare. Zërat flasin për një kontradiktë të ndodhur gjatë një udhëtimi në Castel Gandolfo, ashtu si kishte habitur mungesa e prezantueses televizive në festën e fundit të ditëlindjes së bashkëshortit të saj, në shtator, për të mos thënë që ishin bërë edhe shumë më sporadike paraqitjet në rrjetet sociale.
Ja disa nga dedikimet që ish-kapiteni historik i verdhekuqve i ka kushtuar të dashurës dhe më pas gruas së tij: “6 unica”, “Ilary ti amo”, lindja e simuluar, por ndoshta tani është fundi. Në realitet, pavarësisht se tashmë kanë biseduar me avokatë në një nivel ligjor, të dy jetojnë ende nën të njëjtën çati, ndoshta për të provuar nëse është e mundur të përmirësohet marrëdhënia apo jo. Në çdo rast, sido që historia e tyre të përfundojë, një gjë është e sigurt: ajo mes Franceskos dhe Ilarit ishte një dashuri e madhe.
