Pas njohjes së pavarësisë së rajoneve separatiste, Vladimir Putin nuk ndalet në marrëzinë e tij. Ai kërkon leje formale nga Parlamenti i Rusisë për përdorimin e forcave ushtareke jashtë vendit.
Lajmi raportohet nga prestigjozja The Guardian. Kërkesa është dërguar në Dhomën e Lartë e Parlamentit dhe ka gjasa që të miratohet pasi sic dihet Putin e sundon Rusinë dhe nuk ka kush ngre krye kundër tij.
Një ditë më parë Putin i ka njohur pavarësinë dy rajoneve të Ukrainës lindore, Donjeck-ut dhe Luhansk-ut dhe ka dhënë urdhër për dërgimin e forcave për, siç e ka quajtur ai, “mision paqeruajtës”.
Pas këtij vendimi të njëanshëm dhe në shkelje të ligjeve ndërkombëtare, BE dhe SHBA kanë njoftuar sanksione të rënda kundër Rusisë. ©LAPSI.al
