NATO ka dënuar sulmin e Rusisë ndaj Ukrainës, duke e cilësuar “ të pajustikueshëm”. Aleanca e mbrojtjes, e cila përfshin Mbretërinë e Bashkuar, SHBA-në dhe shumë vende europiane ka dënuar gjithashtu edhe përfshirjen e Bjellorusisë, shkruan BBC
“Ky sulm është një shkelje e rëndë e ligjit ndërkombëtar, përfshirë Kartën e OKB-së”.” Veprimet e Rusisë përbëjnë një kërcënim serioz për sigurinë euro-atlantike dhe do të ketë pasoja të mëdha gjeo-strategjike.
Aleanca do të vazhdojë të marrë të gjitha masat e nevojshme për të garantuar sigurinë dhe mbrojtjen e të gjithë aleatëve.
“Edhe një herë, pavarësisht paralajmërimeve tona të përsëritura dhe përpjekjeve të palodhura për një zgjedhje diplomatike, Rusia ka zgjedhur rrugën e agresionit kundër një vendi sovran dhe të pavarur”, tha Stoltenberg.
