“I uroj suksese Skukës, por shpresoj që atë ditë të fitojë më i miri. Ne jemi gati”. Taulant Seferi më mirë se të përdorë fjalët, di të përdorë këmbët, porn ë ato pak gjëra që thotë është i qartë. Paralajmërimi është i gjithi për derbin me Partizanin, pasi shembi Teutën me dy gola që vendosën ndeshjen: “Na bëri mirë goli, por ne vazhduam dhe në pjesën e dytë. Fusha na ka penguar të bëjmë lojën tonë, por arritëm të fitonim.”
Përplasja ndërqytetase nuk duket se e shqetëson shumë Seferin, që kryeson me 14 gola listën e golashënuesve të kampionatit. Derbi, është një ndeshje shumë e ndjerë për tifozët, por sulmuesi kërkon të ulë presionin, duke e quajtur të rëndësishme si ndeshjet e tjera: “Çdo ndeshje për Tiranën është me shumë rëndësi dhe do shkojmë që të marrim maksimumin”.
