Bullgaria u ka dhënë dy diplomatëve rusë 48 orë kohë për t’u larguar nga vendi pasi akuzohen për spiunazh, tha të mërkurën ministrja e Jashtme Teodora Gançovska.
Në një deklaratë, prokurorët akuzuan një diplomat rus për spiunazh dhe thanë se një gjeneral rezervë bullgar po hetohej për dhënien e informacionit të konsideruar sekret shtetëror diplomatit rus sipas Reuters.
Mësohet se shërbimet e sigurisë kombëtare dhe prokurorët po vlerësonin informacione shtesë për të parë nëse kishte më shumë njerëz që kishin shkelur statusin e tyre diplomatik.
