Presidenti rus, Vladimir Putin i ka thënë homologut të tij francez, Emmanuel Macron se Rusia do ta çmilitarizojë me sukses Ukrainën dhe do ta bëjë atë neutrale. Këto, sipas tij, janë qëllimet e tij për Ukrainën. Sipas një skripte të bisedës telefonike, Putin ka thënë se çdo përpjekje për të vonuar negociatat do të rezultojë me një Rusi që zgjeron listën e kërkesave, transmeton BBC.Putin po ashtu i ka thënë Macronit se nuk është pajtuar me një fjalim që ka mbajtur ai një ditë më parë. Në të, Macron ka thënë se Putin është përgjegjës për nisje të luftës.
Mbretëria e Bashkuar: Oficerët rusë mund të përfundojnë në gjykatë
Sulmi i Moskës ndaj Ukrainës ka nisur në orët e para të 24 shkurtit. Presidenti rus, Vladimir Putin ka urdhëruar “operacion special” për të çmilitarizuar Ukrainën. Veprimi i Kremlinit ka nxitur zemërim dhe është dënuar në gjithë botën. Shtetet e Bashkuara dhe aleatët janë përgjigjur me sanksione të ashpra kundër Moskës.
