Presidenti i Ukrainës, Volodymir Zelensky ka zhvilluar një bisedë me 50 senatorë amerikanë. Zelensky ka kërkuar sërish bllokimin e hapësirës ajrore ukrainase nga ana e SHBA-së dhe aleatëve të NATO-s. Zelenskiy thuhet se ka bërë një “lutje të dëshpëruar” për Evropën Lindore për t’i ofruar Ukrainës avionë dhe mësohet gjithashtu se ai ka kërkuar ndalimin e përdorimit të naftës ruse dhe pezullimin e Visa dhe Mastercard në Rusi.
Mediat amerikane raportojnë se senatorët kanë qenë të interesuar për ta dëgjuar me vëmendje presidentin Ukrainas, por nuk kanë dhënë garanci për marrjen e masave të caktuara që presidenti ukrainas kërkon.
