Konsullata e Përgjithshme Greke në Mariupol është goditur rreth orës 13:00 të pasdites së së dielës. Sulmi goditi pak pasdite përpara një stacioni policie, duke vrarë të paktën 12 persona. Media greke protothema.gr shkruan se nga burime qeveritare, jashtë godinës ka ndodhur një shkëmbim zjarri. Mësohet se gjërat janë të qeta dhe stafi i konsullatës së bashku me konsullin janë transferuar në një strehë të sigurt.
Konsulli grek në Mariupol, Manolis Androulakis, mësohet se është në gjendje të mirë shëndetësore dhe ka kontaktuar autoritetet greke përmes telefonit satelitor.
