Pas disfatës së madhe që pësoi në zgjedhjet e 6 marsit, kreu i Partisë Demokratike Lulzim Basha ka dhënë një deklaratë për mediat. Basha tha se procesi i 6 marsit ishte anomali e një anomalie duke shtuar se shihet nevoja për një reformë të thellë.
“Nuk ka shqiptar që nuk e kupton që gjashtë marsi nuk është një normalitet, por një anormalitet i një anormaliteti. Me një numër rekord të ulët votuesish, shqiptarët treguan se e braktisën zgjedhjet sepse nuk kishin asnjë siguri. Kur nuk ka asnjë reflektim për anomalitë, besoj se shumica dërrmuese e shqiptarëve e ka kuptuar nevojën për një reformë të thellë”, tha Basha.
PD-ja e Bashës është renditur e treta në të tre bashkitë ku ka përfunduar numërimi, duke grumbulluar shumë pak vota.
