Teksa fliste për rritjen rekord të çmimeve të naftës dhe energjisë, kryeministri Edi Rama ka thënë se Shqipëria nuk zgjodhi të rriste koston e energjisë tek familjarët, ndërsa Kosova dhe Maqedonia e Veriut po. Sipas Ramës çmimi nuk varet nga qeveria, por nga tregu ndërkombëtar që tashmë është i prekur nga lufta dhe krizat e njëpasnjëshme.
“Ne arritëm të ndërhynim se kemi zgjedhur në vitin 1990 që të jemi një vend me ekonomi të tregut. Meqë më përmendët Kosovën dhe Maqedoninë e Veriut. Kosova dhe Maqedonia kanë rritur çmimin e energjisë në mënyrë të ndjeshme në faturën e familjarëve, do ishit dakord?”, tha Rama.
Nafta dhe gazi arritën çmime rekord duke krijuar kaos jo vetëm në vendin tonë, por edhe në tregjet botërore të energjisë.
