Rusia po përpiqet të rekrutojë mercenarë sirianë për të luftuar në Ukrainë, ka thënë një zyrtar i lartë i mbrojtjes amerikane.
“Ne e konsiderojmë të rëndësishme që presidenti rus Vladimir Putin beson se ai duhet të mbështetet te luftëtarët e huaj për të plotësuar atë që është një angazhim shumë domethënës i fuqisë luftarake brenda Ukrainës,” u tha zyrtari gazetarëve.
Rusia nisi një fushatë ushtarake në mbështetje të presidentit të Sirisë Bashar al-Assad në vitin 2015, e cila ka qenë vendimtare në kthimin e valës së luftës civile të vendit në favor të qeverisë.
Të hënën, Wall Street Journal citoi zyrtarë amerikanë të thoshin se ushtria ruse ditët e fundit kishte rekrutuar luftëtarë nga Siria, “duke shpresuar se ekspertiza e tyre në luftimet urbane mund të ndihmojë në marrjen e Kievit”.
Rrjeti i lajmeve Deir Ezzor 24, i drejtuar nga aktivistët sirian, raportoi muajin e kaluar se Rusia po u ofronte sirianëve në zonat e kontrolluara nga qeveria paga midis 200 dollarë 300 dollarë për “të shkuar në Ukrainë dhe për të vepruar si roje” për gjashtë muaj.
Zyrtari i lartë i mbrojtjes amerikane tha se ata nuk dinin numrin e sirianëve që ishin rekrutuar tashmë ose nëse ishte vendosur një kuotë.
