Qytetarët e Korçës janë ngritur në protestë kundër rritjes abuzive të çmimeve të produkteve ushqimore dhe të karburantit. Kauzës së tyre i është bashkuar edhe deputeti demokrat Edmond Spaho, i cili më herët ka qenë drejtues politik i këtij qarku. Spaho nuk është lejuar të protestonte dhe është përplasur me një efektiv policie. Ky i fundit i është afruar disa herë Spahos, teksa ka tentuar që ta shtyjë, ndërsa deputeti i ka kërkuar disa herë që të largohej dhe mos ta prekte me dorë.
Debati:
Spaho: Mos më prek me dorë
Polici: Vazhdoni andej!
Spaho: Ju lutem, mos më dorë. Kam të drejtë të protestoj! S’ke të drejtë të më ndalosh.
Në këtë protestë ka patur prani të madhe të policisë, ndërsa raportohet se mes tyre ka pasur edhe konfrontime me qytetarët.
